影片
更多
2009-06-21
216 瀏覽
今日去探探Victor新居. 由碼頭話就話行十五分鐘,但果十五分鐘真係好難挨!! 原來要上山,斜路,梯級,認真唔少嘢!! 好佩服Victor每日都係咁行上行落. 我地上到去全身盡濕,好口渴,好想飲啲凍嘢.原來細心嘅Victor一早已經預備咗紅豆糕同紅豆冰俾我地,簡直感動不己!!! 而且係好好食. 紅豆軟硬適中,甜度對我嚟講都唔錯. 當然一整杯飲哂!! 立即身心涼快. 我地仲要又食又拎添!!之後Victor已經安排好我地去大興食海鮮. 呢間小店都好特別,係一定要預定,亦唔做walk-in客. 因為佢要安排最新鮮俾客人,真係好有心. 以每人$350嚟講簡直係超值!! 老闆昌哥亦好樂意同我分享佢飲食經驗. 令我地增添唔少樂趣!!!陳皮蒸鮑魚 - 隻隻都有咁大,並冇出現大小不均嘅問題,果然好認真處理!! 火路好,又鮮甜!! 每人有兩隻,大滿足!!椒鹽帶子 - 其實老闆話係正確係應該係鮮瑤柱,真係好大隻,好厚身,極品!! 咬落每一啖都十分鮮味!! 外面又炸得夠脆!! 真係超好食呀!!! 洋蔥粒加辣椒,正!! 又係每人兩大隻!! 豉油皇大蝦 - 醬汁雖然味道偏甜,不過我喜歡!! 其實蝦體積都唔算細
原來細心嘅Victor一早已經預備咗紅豆糕同紅豆冰俾我地,簡直感動不己!!! 而且係好好食. 紅豆軟硬適中,甜度對我嚟講都唔錯. 當然一整杯飲哂!! 立即身心涼快. 我地仲要又食又拎添!!
之後Victor已經安排好我地去大興食海鮮. 呢間小店都好特別,係一定要預定,亦唔做walk-in客. 因為佢要安排最新鮮俾客人,真係好有心. 以每人$350嚟講簡直係超值!! 老闆昌哥亦好樂意同我分享佢飲食經驗. 令我地增添唔少樂趣!!!
陳皮蒸鮑魚 - 隻隻都有咁大,並冇出現大小不均嘅問題,果然好認真處理!! 火路好,又鮮甜!! 每人有兩隻,大滿足!!
椒鹽帶子 - 其實老闆話係正確係應該係鮮瑤柱,真係好大隻,好厚身,極品!! 咬落每一啖都十分鮮味!! 外面又炸得夠脆!! 真係超好食呀!!! 洋蔥粒加辣椒,正!! 又係每人兩大隻!!
豉油皇大蝦 - 醬汁雖然味道偏甜,不過我喜歡!! 其實蝦體積都唔算細,不過亦可以蝦殼炸得脆脆,一啲都唔會太硬,好輕易就成隻食哂,渣都冇得剩!! 咁大隻蝦又係每人兩隻,都開始有少少飽!!
豉椒炒蟶子 - 全部去殼,老闆話有三斤蟶子肉!! 真材實料!! 好過出面食,俾一堆殼你. 蟶子啖啖肉,又冇沙,幾鮮甜,實在有心製作!!
梅子蒸羔蟹 - 羔蟹真係好多羔呀!! 不過用梅子醬又酸又甜,略嫌蓋過蟹嘅鮮味. 試過另一件冇梅子醬其實仲鮮味!!
清蒸雙海斑 - 海斑約一斤多,唔太大,所以適當火路蒸出嚟肉質更嫩滑. 香蔥加豉油本來係送飯最啱,不過已經好飽,再加個飯就食唔落其他菜式喇!! 唯有將香蔥直接品嚐!!
魚肚鴨掌 - 魚肚入味,唔腥. 鴨掌炆得夠腍,獻汁扣得唔會太杰,唔錯.
鎮江骨 - 肉質夠鬆軟,肥瘦適中,外皮亦依然脆口,再加上甜酸味配搭亦一流!!! 果然係名物之一!!
鹹魚粒炒飯 - 飯粒極之軟熟,相信唔似用隔夜飯炒. 馬友鹹魚夠哂鹹香!! 炒起整個飯鹹魚香味撲鼻,點飽都食哂成碗!!
馬拉糕 - 外型十足枕頭咁大,上檯時都幾震撼!!! 不過都好軟熟! 又係好飽都繼續要食埋佢!!
最後老闆昌哥敬送生菜一大碟. 我地一於照殺,一大碟爽脆生菜不消幾分鐘又被我地消滅咗!!!
估唔到門面毫不顯眼嘅一間小店可以製作出如此水準,簡直另眼相看!!! 再一次多謝Victor為我地安排!! 唔係你我地一定食唔到咁有水準嘅海鮮餐!!
張貼
