更多
2007-09-04
7 瀏覽
近排唔知點解好興"元朗Sushi",,所以本人同女朋友就算住香港區都決定去試試。去到先知有兩間星期一都休息,,唔好彩,咁算啦去金田。門口都ok多人排隊,心諗有排等,點知一話兩位就入得,,快到有d驚,咁當然個位就係勁逼果隻啦。是晚叫左呢幾樣:8.8吋長壽司盛合鹽燒三文魚骨甜蝦剌身帶子剌身先講個8.8,, 黎到果陣成張單放係d魚生上面,嘩…衛生去左邊?壽司真係得個樣,魚生完全唔新鮮,得個長字,舊飯又大大舊,,個心已經即諗"大而不當",我食左兩件已經唔想食。之後個甜蝦剌身佢寫到明特大,咁我姑且睇下佢又會幾大,,點知完全正常size,,咁有咩咁特別呢?要講甜蝦既味道,只能說:好過冇。然後到個三文魚骨,其實本人對熟既三文魚一向冇好感,見佢推介咁我又試試啦,點知完全冇味,得個鹹字...唉!落幾多lemon汁餡幾多燒汁都冇用。自問對食既要求已經唔高,姑且再叫女友幫我揀樣野食黎對呢間食店改觀,女友幫我叫左客帶了刺身,等左勁耐,我心諗係咪要煮?途中個待應已經三番四次問我地既野齊未,想趕客。點知黎到仲攪笑,帶子竟然係一咬即碎完全冇咬口.....本來仲叫左綠茶冷麵,不過等左勁耐都冇黎就cancel左。響臨走
去到先知有兩間星期一都休息,,唔好彩,咁算啦去金田。
門口都ok多人排隊,心諗有排等,點知一話兩位就入得,,快到有d驚,咁當然個位就係勁逼果隻啦。是晚叫左呢幾樣:
8.8吋長壽司盛合
鹽燒三文魚骨
甜蝦剌身
帶子剌身
先講個8.8,, 黎到果陣成張單放係d魚生上面,嘩…衛生去左邊?壽司真係得個樣,魚生完全唔新鮮,得個長字,舊飯又大大舊,,個心已經即諗"大而不當",我食左兩件已經唔想食。之後個甜蝦剌身佢寫到明特大,咁我姑且睇下佢又會幾大,,點知完全正常size,,咁有咩咁特別呢?要講甜蝦既味道,只能說:好過冇。
然後到個三文魚骨,其實本人對熟既三文魚一向冇好感,見佢推介咁我又試試啦,點知完全冇味,得個鹹字...唉!
落幾多lemon汁餡幾多燒汁都冇用。
自問對食既要求已經唔高,姑且再叫女友幫我揀樣野食黎對呢間食店改觀,女友幫我叫左客帶了刺身,等左勁耐,我心諗係咪要煮?途中個待應已經三番四次問我地既野齊未,想趕客。點知黎到仲攪笑,帶子竟然係一咬即碎完全冇咬口.....
本來仲叫左綠茶冷麵,不過等左勁耐都冇黎就cancel左。響臨走之前,聽到隔離檯叫野食,個待應仲推介佢地今日有乜乜新鮮…喂!我叫果陣冇人咁同我講既?熟客是否大哂?我初時叫兩樣先既時候個待應仲話:淨係兩樣咋?
嘩…咩態度咩食材…
我對什麼正宗長壽司冇信心+唔想再黎。
埋單18x$,食到咁我寧願去元氣都冇咁嬲。
張貼