影片
更多
2020-07-07
35 瀏覽
以前每逢夏天都會飛去泰國暴飲暴食，而家留係香港熱辣辣，成日都想食泰國野，今晚終於忍唔住，黎到新開ge泰嘟嘟食餐勁。🍴泰式生海蝦（6隻） HK$88先黎半打生蝦開下胃，擺盤好精緻，生蝦新鮮，醬汁酸酸辣辣，連埋辣椒蒜片一啖過勁正。🍴香芒軟殼蟹米紙卷 HK$78米紙晶瑩剔透，餡料豐富，芒果鮮甜，軟殼蟹炸得好香。🍴泰式鐵板蠔仔炒蛋 HK$88蛋皮煎得夠香，蠔仔又多又大粒，份量十足。🍴泰皇咖哩牛筋腩煲 HK$108、香蔥蒜蓉包（6件） HK$42咖哩香濃，椰香突出，牛筋腩幾腍，配埋金黃蒜蓉包簡直一流。🍴招牌去骨豬手煲 HK$98豬手堆滿成個煲勁足料，啖啖肉好鬼腍，不過滷水汁鹹左d。🍴泰式馬拉盞炒椰菜苗 HK$68馬拉盞夠惹味，椰菜苗爽脆，不過都係鹹左d。🍴鮮蝦炒金邊粉 HK$78非常大碟，鮮蝦爽口大大隻，金邊粉就碎左d，調味可以再濃d。🍴油飯 HK$14一個字，香。🍴燒菠蘿 HK$32菠蘿燒完更香甜更多汁，當甜品食可以解膩。🍴菠蘿芝士沙冰 HK$32、火龍果芝士沙冰 HK$32暴食完一輪有d滯滯地，兩杯沙冰都走左芝士，有新鮮果肉，飲落好爽，味道自然。呢度樣樣野都份量十足，今晚真係食到好飽，下次想
以前每逢夏天都會飛去泰國暴飲暴食，而家留係香港熱辣辣，成日都想食泰國野，今晚終於忍唔住，黎到新開ge泰嘟嘟食餐勁。
🍴泰式生海蝦（6隻） HK$88
先黎半打生蝦開下胃，擺盤好精緻，生蝦新鮮，醬汁酸酸辣辣，連埋辣椒蒜片一啖過勁正。
🍴香芒軟殼蟹米紙卷 HK$78
米紙晶瑩剔透，餡料豐富，芒果鮮甜，軟殼蟹炸得好香。
🍴泰式鐵板蠔仔炒蛋 HK$88
蛋皮煎得夠香，蠔仔又多又大粒，份量十足。
🍴泰皇咖哩牛筋腩煲 HK$108、香蔥蒜蓉包（6件） HK$42
咖哩香濃，椰香突出，牛筋腩幾腍，配埋金黃蒜蓉包簡直一流。
🍴招牌去骨豬手煲 HK$98
豬手堆滿成個煲勁足料，啖啖肉好鬼腍，不過滷水汁鹹左d。
🍴泰式馬拉盞炒椰菜苗 HK$68
馬拉盞夠惹味，椰菜苗爽脆，不過都係鹹左d。
🍴鮮蝦炒金邊粉 HK$78
非常大碟，鮮蝦爽口大大隻，金邊粉就碎左d，調味可以再濃d。
🍴油飯 HK$14
一個字，香。
🍴燒菠蘿 HK$32
菠蘿燒完更香甜更多汁，當甜品食可以解膩。
🍴菠蘿芝士沙冰 HK$32、火龍果芝士沙冰 HK$32
暴食完一輪有d滯滯地，兩杯沙冰都走左芝士，有新鮮果肉，飲落好爽，味道自然。
呢度樣樣野都份量十足，今晚真係食到好飽，下次想試下曼谷火山排骨同埋泰式芭提雅燒雞。
📍泰嘟嘟
大角咀利得街14號地舖
張貼
