第五街冰室 (已結業)

今次嚟到竹園邨廣場既一間茶餐廳, 見餐牌上有好多唔同選擇, 小炒、扒餐、咸豬手都有得叫, 仲有茶餐廳好小見既泰式、越式小炒，非常特別香葉札肉炒飯 $65炒飯乾身夠鑊氣, 做到粒粒分明, 而且非常足料, 超級大碟, 札肉份量亦都好多, 餐廳加入香葉係炒飯當中, 所以個飯入口有濃郁既香氣同小小辛辣味, 非常特別.個餐亦都會附送餐湯, 我就揀左白湯, 夠杰身唔會太稀, 仲有啲粟米粒係入面. 另外仲加左杯凍奶茶, 茶底不錯, 夠香濃順滑.