王家沙．花樣年華 (又一城) (已結業)

都有一輪冇食上海野，最近就去咗王家沙花樣年華食晚飯，佢哋有多款招牌菜，我當然都係跟住嚟揀啦🤗.小食叫咗四喜烤麩，麵筋夠林夠入味，點埋鎮江醋就更好食😋.另外當然唔少得蘇式鮮肉小籠包，熱辣辣蒸起上枱，小籠包多汁，一不小心咬，噴到周圍都係🙈.小菜叫左清炒河蝦仁🍤，河蝦仁食落真係唔同啲，蝦肉勁鮮甜又爽口，冇乜其他特別嘅調味就已經好好食，因為蝦肉本身真係好鮮甜，呢個必試呀👍🏻.另外兩個人唔想叫一大煲雲吞雞嘅話🍲，可以叫原盅雲吞雞湯，一至兩人飲啱晒，有兩粒雲吞同兩舊雞，一人一粒唔使👫.最後就叫咗紅燒大排骨湯麵🍜，排骨啖啖肉，紅燒湯底都唔會辣，但係比起上湯又惹味一啲😋