一線軒 (已結業)

四川風味小店，一次午膳時間路過，見到有酸辣湯粉皮，覺得幾新奇，平時喺其他米線鋪都唔係成日見到有粉皮，於是入去試試。當日我叫咗一個酸辣雞絲湯粉皮。職員服務態度都友善，落單後5，6分鐘左右就有得食。可能因為叫咗酸辣，湯底比起一般四川麻辣米線清，食到酸菜嘅甜味同埋 肉燥嘅味道，有別於平時只係感受到濃湯嘅味道。粉皮都好爽好吸到湯嘅酸辣味，雞絲都幾滑。整體黎講清得黎又帶有四川風味。不過食完始終有少少口渴，份量就岩岩好，去開土瓜灣經過可以試下。