沐白小農 (已結業)

元朗真係台式奶茶店林立，最近又新開咗一間叫沐白小農！本來諗住台式奶茶店離不開都係黑糖珍珠鮮奶，奶蓋茶啦！但係上網見到佢地主打飲品有芋頭鮮奶，即刻心心眼！😍😍天仁茗茶嘅芋頭鮮奶綠一起係我心目中嘅no.1！但係今次出現對手啦！沐白嘅芋頭鮮奶，真係好好飲！佢啲芋頭非常之綿滑、好糯，味道好清甜！同埋啲鮮奶一齊飲，好夾呀！跟佢個溫馨提示，要搖15下...但係喺完全搖唔郁，可想言之佢啲芋頭唔係溝到水浠浠嗰啲！啲芋頭杰到要用支飲筒先可以攪勻佢！另外，都叫咗黑糖珍珠鮮奶同烏龍茶拿鐵！珍珠好chewy嘅，不過味道就一般般，所以都係叫返芋頭鮮奶啦！