好運強記食堂 (已結業)

黎前睇左開飯, 知道要book, 所以幾個禮拜前已打電話訂. 發現原來大部份餸都要預訂, 由於唔想煩亦唔知有乜餸揀, 所以好多都見人講好食的就叫. 黎到發覺裏面唔大, 基本上得兩張大檯, 兩張細檯. 冰醉賴尿蝦: 好肥大! 肉新鮮. 酒味剛好. 松茸蒸蛋: 好正! 蛋非常滑, 餸飯更好味. 之前未食過松茸, 原來本身冇乜味. 叉燒拼大腸: 自製汁好味. 叉燒較肥, 有點韌. 我唔食內臟, 所以冇食大腸, 但食的人好愛.啫啫通菜煲: 正! 好多菜! 好多地方的啫啫煲都偏咸, 呢度剛剛好. 菜好大條但唔老!梅花蒸黃花魚: 兩條大魚. 唔腥. 味道好. 屋企平時比較少食黃花魚, 所以覺得比平時的魚肉削.黃金蝦: 自己本身唔太好. 但鍾意食的人叫好.脆皮糯米雞: 好好味. 皮脆, 質感剛好. 可惜黎時已經食左好多野, 食左兩舊已經再食唔落!琵琶豆腐: 普通.薑汁芥蘭: 冇試. 但d芥蘭好大條.本來仲訂左脆炸花枝球, 但去到佢話今晚冇. 咁啱我地少左個人, 所以少味冇所謂. 以為有糖水送, 原來要自己訂或其他檯有訂先有, 冇得食腐竹皂角米添總結: 大家一致讚好. 拿了menu, 發覺都仲有好多其