Muse Burger (已結業)

如果大家對少年漫畫有著一定熱愛，這間漢堡店絕對不能錯過。牆上畫著二創的大熱漫畫，大多都是出自集英社，淨係打卡都好開心。食物方面，漢堡水準都好高，同另一半點了兩個漢堡套餐。 漢堡即叫即整，錐形紙包著漢堡，上手都覺得有少少燙手，麵包是偏向鬆軟類型。配菜方面，如果覺得薯條熱氣，可以轉沙律或者湯；唔怕上火，又可以加8蚊轉蕃薯條。 飲品亦不只汽水，有伯爵茶或洋甘菊茶。我地最後都係揀薯條，即炸十分鬆脆。MUSE漢堡 餐廳自家的安格斯牛肉漢堡，牛肉味香濃之餘，也搓得得鬆軟。加上一隻濃邊煎蛋、蘑菇、蕃茄、煙肉、芝士等配料，邪惡得又愛又恨。巨人滑蛋豬柳堡大大塊豬排煎完再微炸夾入漢堡內，肉質嫩滑，厚實卻不柴。蛋則變成炒蛋，完全是另一番風味。