阿伯燒魷魚 (已結業)

買唔到雞蛋仔伯伯既雞蛋仔，好唔開心！於是去左隔離魷魚伯伯到買魷魚。(唔知點解我覺得魷魚伯伯會因為呢個原因而多好多生意)伯伯老當益壯，好有趣隔離個後生哥哥都好nice一個炭爐，幾樽調味料，仲有魷魚、黃花子等等。可能就係伯伯最大既財產！魷魚伯伯都幾好生意，個日去，成堆人睇伯伯剪魷魚(當然有買)，好正呀！好似睇表演咁呀，簡直達爐火純青既境界！買左$20，一半辣一半唔辣。用炭爐燒之後掃上醬汁，好惹味，可惜硬左少少，有啲難咬。不過，啲醬汁真係好似上面食評所講甜甜地。辣既魷魚好味啲其實，睇伯伯表演已經值回票價！