御品·千之味 (深水埗) (已結業)

又到深水埗吃好西既時間，深水埗有好多唔同地道餐廳，但日式餐廳既選擇唔太多，今日就去左呢間朋友介紹既日式餐廳，性價比的確唔錯。餐廳屬小店類，但環境同坐位都算舒適。我地點左個蟹籽沙律、吉烈芝士炸蠔卷、軟殼蟹反卷、壽司同燒牛舌。蟹籽沙律 $35不得不讚呢到既服務好細心，除左有沙律醬同胡麻醬可以揀之外，仲可以沙律另上，岩哂怕見肥既食客。至於蟹籽沙律，份量兩個人食黎講，都算多，蟹籽同蟹柳都好足料，開胃之選。吉烈芝士蠔卷 $38 & 軟殼蟹反卷 $48呢兩個卷物既價錢都幾驚喜，呢兩款卷物平日一般價格都$70-$80左右，呢間既價錢差不多平一半。雖然卷物黎到個賣相唔係最吸引，但食落味道非常好。炸蠔即炸即包，咬落仲熱辣辣同脆卜卜，配堆熱溶左既芝士，味道好夾。而軟殼蟹都好大件，絕無因價錢而欺場，同樣地都係即炸即整，所以口感同味道都相當好。燒牛舌芯 $22呢個價錢都比一般串燒鋪相宜，食落不單香口，而且好嫩滑同牛味濃，如果唔係點左太多壽司，一定要encore呢款小食🥰😋😋壽司壽司種類都頗多選揀，價錢比元氣高少少，但食落刺身質素較高，特別推介三文魚同油甘魚，食落非常鮮甜。但吞拿魚蓉軍艦就差少少，可以未解哂凍，