大滿喜日本料理 (已結業)

屋企人想食放題 於是過左apm 隔離個大廈度睇下🐶 食放題一定要叫刺身 我地樣樣叫左d 黎試下 最後叫左成大盤刺身 樣樣都有d 呢度d 刺身都幾新鮮 切得又大塊 睇落唔錯👍 最好食當然係三文魚啦 切得幾厚 而且又大塊 油脂分布均勻 食落成口三文魚好滿足呀🤣呢個蟹腳都唔錯 估唔到都算多肉 食落幾清甜鮮味🤤🤤帶子色澤光滑 食落好彈牙 encore 左🤣👍壽司都幾多選擇 黃色個舊係蟹膏蟹肉加甜蝦 鍾意蟹同蝦嘅我 可以一次過食哂🤣 另外呢度嘅花之戀夠細舊 可以一口食完 飯夠細舊最好 😆 黑松露三文魚唔錯 松露味好出🤤蟹棒同芝士都正🤤🤤🤤 仲有海膽手卷添呀 不過都幾細舊 一啖就食完🙈 紫菜唔夠脆 食落已經唸哂🙈最令我驚喜係呢度嘅榴槤炸彈😻 外皮炸到卜卜脆 而且入面夠多榴槤肉！ 一咬落去d 榴槤味飛出黎 好鬼香❤ 真係好多榴槤肉🤤🤤🤤燒菠蘿可以解渴🤣 好大舊 入面好多汁👍👍