石一燒 (富多來新邨一期) (已結業)

今日朋友帶咗我去佢屋企附近食一間石頭燒 雖然餐廳鋪頭細細，不過環境乾淨舒適，唔會坐得好迫，而且老闆好好服務，好細心咁講解食法，每一款肉要燒幾耐等等原來餐廳用咗花崗岩石板，整塊石板平均受熱，令燒起上黎熱力均勻我哋叫咗澳洲和牛牛板腱 & 美國安格斯牛柳定食 包埋*沙律 *麵豉湯 *甜品一大碗沙律好新鮮，餐廳落咗芝麻醬喺沙律上面， 食完之後更加開胃麵豉湯上面加咗好多櫻花蝦， 加重咗本身啲湯嘅鮮味食完前菜飲完湯，主角就出場喇 除咗兩款牛之外，中間只有唔同嘅菇類， 左邊安格斯牛柳燒嘅時間比旁邊嘅牛板腱短， 老闆會清楚講解每款大約要燒幾耐燒得好靚呀 兩款都好香牛味，而且肉質非常嫩滑，色澤又靚係好高質嘅牛肉食燒肉配白飯真係冇得輸 肉汁滲入白飯裏面，平時唔係食好多飯嘅我，都食曬一碗飯蝕曬啲燒肉已經非常滿足，估唔到仲有好戲喺後頭 係甜品呀!!! 好濃沃嘅雲呢拿雪糕， 重提供咗抹茶粉&水，可以按照自己嘅喜好，加入適量嘅抹茶粉+水攪勻，造成抹茶漿加上雪糕上面，今次真係有得食又有得玩 大滿足