影片
更多
2017-09-21
95 瀏覽
大滿足既一餐朋友最近成功轉新工,約左放工去九龍城食泰國菜慶祝下,所以就去左呢間朋友食完推介既亞泰廚房。九龍城泰菜真係勁多選擇,要平有平,要貴亦有貴既,而食物質素自然同價錢成正比,不過朋友推介話呢間泰菜餐廳性價比高,價錢中等,但用既食材相當好,所以就決定試一試。我同朋友放工已經好肚餓,所以都叫左幾多野食,有柚子大蝦沙律,燒牛肉,咖喱軟殼蟹包,炒金邊粉同泰式炸春卷。首先，黎左泰式柚子沙律（$68）先，平時食泰菜都好鐘意試呢個沙律，不過真係50/50搏下好唔好食，好多時都會好酸同好辣，但呢到個柚子沙律真係無得輸，用既柚子唔會酸，甜甜地，最重要係個汁好岩香港人口味，唔會太辣之餘亦用左好多泰式香料！好開胃！之後到燒牛肉($88)，呢個燒牛肉超有驚喜同超滿足，平時燒牛肉似食串燒咁，燒到比較乾身，但呢到因為用CAB安格斯牛肉，所以唔會燒到乾哂身，呢份牛肉外脆內軟，大約6成熟，有牛肉味仲唔少份量！一定要試😋食完燒牛肉到面包咖哩軟殼蟹($168),又係超驚喜,好好味!成個咖哩包最正係個汁,個質感好似食緊啖啖蟹糕咁,除左好香蟹糕味之外,仲加左蛋白煮,好有質感,一d都唔稀,仲有啖啖配菜香料,加埋炸軟殼蟹,p
朋友最近成功轉新工,約左放工去九龍城食泰國菜慶祝下,所以就去左呢間朋友食完推介既亞泰廚房。
九龍城泰菜真係勁多選擇,要平有平,要貴亦有貴既,而食物質素自然同價錢成正比,不過朋友推介話呢間泰菜餐廳性價比高,價錢中等,但用既食材相當好,所以就決定試一試。
我同朋友放工已經好肚餓,所以都叫左幾多野食,有柚子大蝦沙律,燒牛肉,咖喱軟殼蟹包,炒金邊粉同泰式炸春卷。
首先，黎左泰式柚子沙律（$68）先，平時食泰菜都好鐘意試呢個沙律，不過真係50/50搏下好唔好食，好多時都會好酸同好辣，但呢到個柚子沙律真係無得輸，用既柚子唔會酸，甜甜地，最重要係個汁好岩香港人口味，唔會太辣之餘亦用左好多泰式香料！好開胃！
之後到燒牛肉($88)，呢個燒牛肉超有驚喜同超滿足，平時燒牛肉似食串燒咁，燒到比較乾身，但呢到因為用CAB安格斯牛肉，所以唔會燒到乾哂身，呢份牛肉外脆內軟，大約6成熟，有牛肉味仲唔少份量！一定要試😋
食完燒牛肉到面包咖哩軟殼蟹($168),又係超驚喜,好好味!成個咖哩包最正係個汁,個質感好似食緊啖啖蟹糕咁,除左好香蟹糕味之外,仲加左蛋白煮,好有質感,一d都唔稀,仲有啖啖配菜香料,加埋炸軟殼蟹,prefect match ah!! 正係食包點汁都夠!
之後到食泰國菜一定要嗌既泰式金邊粉（$88）,平時食金邊粉又係撞手神,好多時都勁酸勁濃汁,但呢到既金邊粉好正宗,炒到好乾身,用泰國香料炒而唔係溝汁炒,再煎埋靚靚蛋網鋪面,最後放埋粒新鮮青檸,好正宗!好岩我地口味!
其實已經好飽,但今晚食滿$200可以加$1叫一碟泰式春卷（原價$58）,好抵、好想試埋。黎到勁大碟，三四個人食都夠啊，春卷即炸脆卜卜，入面仲有粉絲、豬肉之類既料，$1都絕無欺場！
同朋友再一人叫左一杯西瓜冰，新鮮西瓜渣汁，一d都無假既果汁味，清甜解渴！
整體黎講，雖然亞泰廚房未必係九龍城好平既泰菜餐廳，價錢大概係中間水平，但呢個價錢食呢個質素，可以話係物超所值！呢間餐廳對食物既用心製作，好值得推薦！👍🏻👍🏻
張貼
