瀛喜日本料理 (已結業)

同個friend係楊屋道打完波，超餓既情況下搵野食。比我地搵到間放題，仲要有得玩磯燒海鮮，正！一坐低已經聞到格離枱d蒜蓉扇貝勁香，流哂口水。係個炭爐仲開始熱緊，海鮮又未到既時候，救命刺身拼盆黎到醫一醫肚先！甜蝦新鮮鮮甜，八爪魚彈牙；三文魚就遜色少少，無乜味。Yeah 大大隻生蠔到喇～～D蠔肥美肉厚 岩哂用黎燒，燒完都唔會縮水，口感豐富。扇貝一樣好肥美，色澤好靚，一睇就知唔係雪藏野，好新鮮。見到格離枱咁識食加蒜蓉燒，我地都偷下師啦 哈哈。加上蒜蓉燒既扇貝更香口 更惹味，正！仲有原片菠蘿，又甜又多汁。連平時唔太中意食菠蘿既我都食左幾件！！由於係咁燒野食，熟食都點得唔多。不過呢碟蒜蓉炒牛柳要讚！！牛柳粒熟度適中，肉汁仲保留係入面，牛味重，彈牙，真係好好食。最後想一讚係呢度通風系統好好，店內咁多枱一齊bbq 都無好焗好大陣味既感覺，唔錯。