樂天大喜屋 (已結業)

團年前最想嘅地方都係可以食餐勁，就今日放假就相約提早食過午餐團年飯，而這裡就係朋友安排了嘅選擇，地方大上菜快，外面又有自助小食甜品區十分方便之餘，落單又方便，全部掃QR code 處理，唔怕落錯，而個刺身出來樣樣都要啲，大大盤上，整齊排列，當然一件件入口味道新鮮，而喜歡嘅口味可以再落單追call，出菜十分之快，要讚！而特色壽司亦十分精緻，各有不同，有火炙口味，亦有不同配搭嘅創作壽司，龍蝦沙律拌櫻花蝦多士，龍蝦沙律拌櫻花蝦在香脆多士上，一齊入口雙重口感；黑松露赤蝦拖羅蓉魚生塔，爽口赤蝦夾埋拖羅蓉配上黑松露，味道更香滑，所以每款都總有粉絲喜歡！而炸物當然要芝麻雞翼外脆肉嫩，同埋脆炸貓山王流心榴槤外面脆軟，必食推介！而煮物就有另一致愛嘅鮮蟹粥，真材實料有半邊蟹之餘，粥底香滑夠綿鮮味！不得不提嘅蒲燒鰻魚，燒得十分好味，本身夠晒肥美，加埋落單即出，溫暖暖味道入口，正！而自助吧內又有彈牙章魚燒丸子、青口、螺肉、蜆等當然要食啦！邊食邊落單，時間過得真係快，最後時間當然要去食埋甜品，在甜品櫃內有不同款式嘅甜品，綠茶味雪米糍夠晒煙韌， 再加埋有喜歡嘅榴槤味雪條，今餐真係十分滿足，真係一個滿足嘅團年選擇，