登堂 (已結業)

又嚟一個月一日嘅大餐日啦 男朋友帶我去咗觀塘嘅呢間登堂度食晚餐 餐廳裝修典雅 但不失帶點輕鬆嘅感覺 坐得幾舒服叫咗個五度菜法式晚餐 已經包咗三款自選前菜 main course同埋pasta 十分抵食新鮮法國生蠔配日式醬油洋蔥汁 生蠔非常鮮甜又有creamy嘅口感 加埋日式醬汁口感輕盈 上面加咗生蠔珍珠有爽脆嘅口感油甘魚刺身 非常肥美帶點鮮甜嘅魚味 加埋自家製嘅墨西哥雪芭 味道有層次又夠特別西班牙鵝肝配北海道帶子 鵝肝外面煎得焦香入面仲係入口即溶嘅口感 帶子同樣外脆內軟非常鮮甜 配埋烏梅汁可以一解油膩感鹹蛋黃野菌手做拖肥粉 鹹蛋黃味唔重 不過非常重忌廉味道 拖肥粉煙煙韌韌又索汁口感特別寶雲酥紐西蘭羊架 五成熟啱啱好入面仲係粉紅色 羊味濃郁又唔太騷 外面加咗開心果碎口感有層次