爆丼屋 (已搬遷) 新店位置

唔講唔覺，原來九龍灣mega box有爆丼屋🤣 行完街順便係度食埋晚飯先😃 四重火山盛丼 $298本身係🐷🐷叫咗呢個，之後佢比咗我食🤣 因為我話我叫個個丼賣相望落冇咁吸引，佢就二話不説讓咗呢個比我😋 咁錫我嘅男人係邊度揾丫🤣拖羅溶堆到成座山咁高丫😃 本身都有少少蔥同芝麻調味。大量蟹肉絲，鮮甜好味。兩大塊海膽，入口creamy濃郁香味。仲有大量我最愛嘅三文魚籽，撈飯正丫😍 啲餸多過啲飯，大滿足丫😍六重相撲爆盛丼 $225雖然個賣相冇張圖咁爆，但係都好足料好豐富🤣 有墨魚籽，蟹肉絲，幾塊海膽😍，左口魚裙邊，牛油果，同埋三文魚籽，全部都鮮味十足，脂香四溢😍兩個丼飯都有配麵豉湯，大滿足。