麥文記麵家

營業中

休息中

呢排為了努力keep fit，打完波都係食粥粉麵就算。o尋日就去左麥文記，記得佢未裝修前食過一次，仲撞見過星爺係度食tim。佢冇雙併唯有叫淨雲呑、淨水餃各一碗，隻隻都包得好靚，皮薄但沒有爛或散開是完整無缺，粒粒都漲卜卜的，食落口的感覺真係與其他麵舖冇得比，雖然收17蚊一碗，但係都係值得的。再叫碟叉燒撈麵，叉燒肉質又乾又硬又實，沒有蜜汁味，應該是來貨。而麵身亦都好爽好彈牙，可惜沒有剪開，食落口有點兒困難。灼芥蘭-葉嫩、莖爽。幸好平時食慣走油走蠔油，如果唔係要俾1蚊蠔油錢。