褔村日本料理鐵板燒 (已結業)

老友接到生意請食飯，近佢公司中港城，平台有家名店，叫福村。環境高檔，人好多，鐡板燒有獨立房，同房只有兩個自由行，我哋高談闊論都可以。食特級牛肉套餐，$800/位。前菜三款，係又靚又甜的日本水果做。蟹子沙拉新鮮爽脆，食完開胃。四款刺身係基本啲三文魚，呑拿魚，甜蝦，帶子，件件厚肉新鮮。跟著係大蝦，銀鱈魚，用小煲煮幾特別，濕潤啲，唔乾。美味的厚切美國牛肉，即場燒往往最好狀態，剛好就要熟，嫩而無筋，又唔會有血水。炒飯炒得香，份量足。䲞魚湯濃郁。真係様樣都好味，貴得有道理。