影片
更多
2022-05-25
39 瀏覽
都幾耐冇試過同阿媽一齊單獨食飯，趁住呢排得閒少少，就喺番工附近搵咗間任食火鍋放題😆呢間餐廳位於太平道，喺正晒唔同地鐵站嘅中間，最近嘅站應該就係旺角東站。由於我哋比較早去食飯，所以未見好多人枱嘅設計係可以轉食火鍋，唔打邊爐就可以食普通小菜，今次我哋揀咗呢一個120分鐘任食火鍋放題，除咗本身嘅湯底之外，仲隨機附送唔同嘅火鍋配料，我哋仲額外叫咗啲牛肉、羊肉添！<湯底>椰子豬肚雞煲 +酸菜魚湯底湯底可以轉鴛鴦鍋，可以一次過試晒唔同嘅湯底！上完個湯底之後，侍應突然之間攞左半隻雞過嚟，原來雞係自己另外添落去！我仲以為本身已經落咗入去湯底入邊👻可以講嘅係，呢一隻雞真係好滑！ ！ ！滾得啱啱好攞返上嚟，食落去又滑嫩又入味，每一啖都充滿着椰子淡淡的甜味，呢個湯底入邊仲有啲椰子條同埋好多好多豬肚添！另外嘅酸菜魚湯底都唔識食，本身驚會好辣，但食落去唔係好辣，少少酸辣味，再加上入晒味嘅魚塊又係另外一種刺激！湯底入邊仲有唔少嘅芽菜、酸菜、仲有意外揾到啲薯粉添！<火鍋配料>品嚐完啲雞，我哋就開始落啲火鍋配料，聽聞廚師會按人頭地今日嘅時令配料，驟眼見就有廣島生蠔、望落好新鮮嘅魚片、餃
呢間餐廳位於太平道，喺正晒唔同地鐵站嘅中間，最近嘅站應該就係旺角東站。由於我哋比較早去食飯，所以未見好多人
枱嘅設計係可以轉食火鍋，唔打邊爐就可以食普通小菜，今次我哋揀咗呢一個120分鐘任食火鍋放題，除咗本身嘅湯底之外，仲隨機附送唔同嘅火鍋配料，我哋仲額外叫咗啲牛肉、羊肉添！
<湯底>
椰子豬肚雞煲 +酸菜魚湯底
湯底可以轉鴛鴦鍋，可以一次過試晒唔同嘅湯底！
上完個湯底之後，侍應突然之間攞左半隻雞過嚟，原來雞係自己另外添落去！我仲以為本身已經落咗入去湯底入邊👻可以講嘅係，呢一隻雞真係好滑！ ！ ！滾得啱啱好攞返上嚟，食落去又滑嫩又入味，每一啖都充滿着椰子淡淡的甜味，呢個湯底入邊仲有啲椰子條同埋好多好多豬肚添！
另外嘅酸菜魚湯底都唔識食，本身驚會好辣，但食落去唔係好辣，少少酸辣味，再加上入晒味嘅魚塊又係另外一種刺激！湯底入邊仲有唔少嘅芽菜、酸菜、仲有意外揾到啲薯粉添！
<火鍋配料>
品嚐完啲雞，我哋就開始落啲火鍋配料，聽聞廚師會按人頭地今日嘅時令配料，驟眼見就有廣島生蠔、望落好新鮮嘅魚片、餃子、丸、雲吞、蘿蔔，仲有超級入味嘅淮山添！
廣島生蠔同魚片食落都夠晒鮮味，食得出幾新鮮🤙🏻肉方面就不過不失，唔太識分，略嫌羊肉有啲羶🥲
<前菜 & 飲品 & 甜品>
其實都唔算好多選擇，前菜有涼拌青瓜、木耳、芽菜等，仲有啲生果可以選擇。你飲品方面，除咗一般嘅汽水之外，意外地仲可以叫啤酒！最後打完邊爐之後仲可以以韓國雪條收結😗
整體而言食物質素不錯，服務好周到，價錢合理👍🏻
張貼
