呢間主打港式風味嘅車仔麵～
自由搭配主食、餸、小食、飲品
最緊要係價格親民而且地點都唔難去
🔟 十餸麵食
選擇困難症嘅建議叫呢款，包含10款經典搭配，白魚蛋、雞翼尖、雞翼、蘿蔔、豬紅、豬皮、花菇、豬手、牛腩、菜心。新鮮，鮮甜，吸滿湯底醬汁。米線軟硬程度適中，唔夠嘅可以加量。
4️⃣ 四餸麵食
鍾意自己點嘅亦可，要咗鳳爪、沙嗲豬頸肉、荷包蛋、咖喱齋，同朋友仔開心Share。值得一提嘅係呢度嘅湯底可以All In，即係清湯、滷水汁、咖哩汁、金牌腩汁、古法辣汁、川風麻辣汁。
小食方面亦唔輸蝕，全部炸至外脆內彈牙。個人首推椒鹽燒賣，真係可以一個人食晒八粒。另外脆炸雲吞、椒鹽炸魚蛋同爽炸脆皮都唔錯，加埋特別嘅奇異果醬、茄汁同沙律醬，正。
