COMEBUY (已結業)

見到呢間店新開，地點幾近地鐵站，睇menu見到熱飲同凍飲都幾吸引，有熱的宇治抹茶，亦有多款水果茶，行完工展會買嚟試吓。我們最後點了幾杯水果茶share嚟試，包括：蘋果冰茶，青檸香柚QQ, 百香搖果樂。蘋果冰茶，半糖少冰，味道並不是只有甜的糖水味，反而有點酸酸甜甜，像蘋果醋的味道，幾清新開胃。入面都有椰果幾有咬口。青檸香柚QQ，少冰少甜，青檸加香柚味平衡得幾好, 2款水果都係味道偏酸，呢杯有亦都充滿椰果QQ。百香搖果樂，因為見到多款配料所以試吓。好喜歡百香果味，而且呢杯配埋好多不同款式的配料，有咬口之餘好豐富。呢間店的店員都幾好，會主動提我哋可以揀少冰少甜，亦十分歡迎我哋自備杯裸買，真的很有心，下次再幫襯。