之前去過觀塘店 因為都幾推薦
不過我都係第一次黎銅鑼灣店
因為係食early dinner既關係
所以就叫左 龍卷風沙律 紅龍卷 牛肉壽喜燒1人鍋配飯 同埋 雜錦天婦羅
龍卷風沙律 ($78)
比我想像中大碟好多
滿滿的蟹柳絲同蟹籽
沙律醬有少少辣 但係配埋少酸的日式海藻
加埋脆脆 岩岩好
紅龍卷 ($118)
芝士、炸蝦、吞拿魚
聽落去覺得怪怪的 點知食落去係夾的
完全連豉油都唔駛點
點左反而遮蓋左炸蝦同吞拿魚的鮮味
炸蝦炸得好脆 炸到連條蝦尾都食埋 加埋Cream cheese 超正
牛肉壽喜燒1人鍋配飯 ($108)
之前係觀塘店食 都係食新式既卷物
但係因為阿媽鐘意食熱飯
所以都叫左個壽喜燒1人鍋 無諗到居然有驚喜
午餐只係$108卻非常足料
有紫洋蔥、豆腐、娃娃菜、牛肉、蔥、生蛋、葛粉
牛肉生熟岩岩好 壽喜燒汁唔太咸 送飯一流
我最鍾意就係舊豆腐，軟綿綿又吸收哂壽喜燒汁的日月精華
篤碎再連壽喜燒汁配飯 Perfect!
雜錦天婦羅 ($58)
冬菇、大蝦2隻、茄子、紫薯
粉好薄 炸出黎亦無油的感覺 好乾身
見識到廚師既手功
我阿媽最欣賞就係佢隻大蝦
外面熟而入邊 有種半生熟的感覺
而我最欣賞就係紫薯 餐廳多以蕃薯而非紫薯
炸完既紫薯 外脆內軟 非常推介
Menu亦見到有好多其他既新式卷物
好多選擇既同時 價錢亦非常相宜
加上環境亦唔錯
有機會下次都必定再食~
