壹壹漁一 (已結業)

星期日當然攞正牌唔煮飯, 今日簡既依間餐廳係我朋友介紹, 食完之後我都一定會介紹比朋友, 好好發揚推廣, 我地依日book左七點, 去到得兩枱有人, 侍應哥哥推介我地先唻個happy hour , 白酒再配刺身, 依種配搭我第一次試, 估唔到咁夾, 刺身生蠔同海膽非常新鮮, 之後order左個龍蝦刺身, 又係我第一次試, 口感好好好彈, 食落好甜, 原來係比平日既大蝦差好遠, 係好味100倍, 我同老公唔使十分鐘就食哂,再唻鮑魚又係正, 做法好有心思, 先輕輕煮熟再淋上清燒, 食落一陣陣酒味, 好香！ 到邊爐又係好出色, 今日簡左烏雞花膠椰子湯, 啖湯好多骨膠原, 我地都飲左兩大碗先開始打bino, 由於都食左好多前菜, 我地打邊爐只係叫左餃同埋和牛, 餃就自家制, 我自己最鐘意係韭菜餃, 依一餐食得好開心, 餐廳好用心而且食材好新鮮, 最可惜係佢冇點做廣告, 好似好少人知道, 推介比大家要試龍蝦！