新廣發 (已結業)

朋友介紹下一行4人去新廣發打邊爐，6:30pm已經入座，好多位可以揀位，先選擇左鴛鴦湯底，等滾時就要出去拎食物，因為全部食物都要出面自助形式咁拎，有好多食物，seafood有生蠔、蝦、瀨床蝦，其他一般食到0既都有，但蓎蒿就食完唔再refill，任食3小時，唔駛7點半已經full哂座位，想食就要去等位，出面拎食物0既地方已經變打仗0既地方，插針都插唔入，拎食物要比d耐性，加上唔夠人手又好嘈，湯底加水，收走無用0既碟呢d一定要自己做(叫一個比較瘦頭髮短0既阿姐加水，佢仲要惡番你轉頭叫你自己加)，但無石油氣要換都要等好耐，如果唔想樣樣都催三催四，太嘈雜或乜都自助0既建議加多10幾廿蚊去酒樓食喇飲品只有細支玻璃樽0既可樂、芬達同忌廉，款式唔多價錢任飲任食3小時每位$69，任食唔飲就$59，湯底$45(鴛鴦$55)，9點半後每位減$8，但千其唔好食剩食物，因為會罰錢，有2個牌，1個寫住每位加5蚊，另一個寫每gm收8蚊，唔知邊個先正確，同埋用摺枱坐摺椅子，唔算太舒服總括黎講，如果想自己因應份量去拎同睇下有乜食0既可以去試下，如果懶郁又想坐得舒服d 0既就唔駛黎試喇