影片
更多
2021-09-26
1009 瀏覽
港人最愛「打邊爐」，近月疫情持續放緩，市民外出聚會及餐飲的意慾亦有所提升，我當然亦唔例外。這晚就應友人邀約，嚟灣仔「杜老誌大飯店」吃港式懷舊火鍋。聽朋友講，呢間食肆之前主打大排檔經典菜式，最近正式轉營為火鍋餐廳，以全新餐牌提供服務，所以想同我嚟試下。餐廳裝修十分有特色，重現了不少 80 年代經典懷舊場景，例如麻雀館、桑拿中心、士多、機舖、夜總會等，加上四周掛滿了五光十色霓虹招牌，極富玩味。點咗個沙嗲湯鍋 ($78)，湯底惹味得嚟又唔會太辣，帶花生甜香。另外餐前小食就 $20 一碟，醬料每位 $15。火鍋料方面，貴精不貴多，只係揀咗幾款。先嚟一客冰鎮螺片 ($65) 做頭盤，螺片上桌時已切成薄塊，螺肉爽口不韌，肉質鮮甜，夠嫩又夠爽脆。滑牛肉 ($108) 非常新鮮，色澤紅潤，大塊得嚟又嫩口，充滿肉汁，牛味亦夠晒濃郁，吃時可蘸少許生雞蛋汁，更加滑溜。白鱔片 ($88) 一份有 8 片，份量十足！顔色晶瑩剔透，而且切得厚薄均勻，既大片又肥美，肉質爽脆，結實彈牙，入口帶魚油脂香。雙籽鮮蝦雲吞 ($75) 雲吞外形飽滿，隻隻都脹卜卜，皮薄餡靚，入面塞滿了大大隻鮮蝦肉，啖啖爽口，汁豐味美！另外仲
港人最愛「打邊爐」，近月疫情持續放緩，市民外出聚會及餐飲的意慾亦有所提升，我當然亦唔例外。這晚就應友人邀約，嚟灣仔「杜老誌大飯店」吃港式懷舊火鍋。
聽朋友講，呢間食肆之前主打大排檔經典菜式，最近正式轉營為火鍋餐廳，以全新餐牌提供服務，所以想同我嚟試下。
餐廳裝修十分有特色，重現了不少 80 年代經典懷舊場景，例如麻雀館、桑拿中心、士多、機舖、夜總會等，加上四周掛滿了五光十色霓虹招牌，極富玩味。
點咗個沙嗲湯鍋 ($78)，湯底惹味得嚟又唔會太辣，帶花生甜香。另外餐前小食就 $20 一碟，醬料每位 $15。
火鍋料方面，貴精不貴多，只係揀咗幾款。先嚟一客冰鎮螺片 ($65) 做頭盤，螺片上桌時已切成薄塊，螺肉爽口不韌，肉質鮮甜，夠嫩又夠爽脆。
滑牛肉 ($108) 非常新鮮，色澤紅潤，大塊得嚟又嫩口，充滿肉汁，牛味亦夠晒濃郁，吃時可蘸少許生雞蛋汁，更加滑溜。
白鱔片 ($88) 一份有 8 片，份量十足！顔色晶瑩剔透，而且切得厚薄均勻，既大片又肥美，肉質爽脆，結實彈牙，入口帶魚油脂香。
雙籽鮮蝦雲吞 ($75) 雲吞外形飽滿，隻隻都脹卜卜，皮薄餡靚，入面塞滿了大大隻鮮蝦肉，啖啖爽口，汁豐味美！
另外仲點咗鮮冬菇 ($35) 同 新鮮鴨血 ($52)，鮮冬菇肉質肥厚，帶獨特菇香，有營養又低熱量。鴨血非常吸睛，呈暗紅色澤，面頭有稀疏小孔，入口細膩嫩滑。
最後食埋碟紅薯粉 ($28)，煮透嘅紅薯粉彈牙有咬口，粗身吸汁，滑溜得嚟又唔會過腍，的確好味。
呢餐食得好滿意，不但食材新鮮，而且環境同侍應招呼也很不錯，絕對值得推薦。
張貼
