糖室 (已結業)

下班同朋友食完品香樓，見到旁邊有個易拉架話開左間新既甜品舖明明食到好飽都要去食下😂是但啦行多兩步 有好多車仔店 先知原來間野開係大排檔個位..本來抱住食松記滿記既心態去食糖水，去到見到個門面又幾靚wor一d都唔似開係大排檔既感覺！好特別！仲有張吊椅係門口 不過一直有人坐緊唯有入入面嘆冷氣😤野食選擇唔算多 不過都幾吸引！又香草又茶味 開正我個飯😍！點左個覆盤子梳乎里tart朋友點左抹茶梳乎里同埋老闆推薦既柚子蜜冰即焗黎講算係幾快手 覆盆子梳乎里tart平時食梳乎里都好似無食野咁呢個tart有埋餅底 同埋覆盆子唔係醬咁簡單係真係有一粒粒覆盆子係到 😍酸酸地甜甜地 同埋咬到有香草！我最鐘意！成個口都香哂😂份量夠其實夠幾個人食 不過我一個人可以ko哂佢😂抹茶梳乎里抹茶味唔算濃不過了開見到梳乎里入面有綠茶粉😂就咁睇好似紫菜味咁唔太甜 算ok啦老闆推薦既柚子冰呢幾年食得太多綿綿冰 其實已經好濫不過呢個冰簡簡單單 柚子食到最尾 除左甜 仲有少少甘甘地 又幾好食仲有芒果糯米慈！都幾夾！多幾粒就好啦😂食緊既其間聞到隔離枱個心太軟 一督落去就好甜！仲要係流粉紅色既野！好香不過已經落左單😭唯有下次先食