滿屋日本料理 (大鴻輝(荃灣)中心) (已結業)

今晚同男友食 放題，共有4種 : A經典73品、B匠選89品、C豪華102品、D極緻110品 選擇，價錢$278-588，最貴的選擇仲有大拖羅、海膽、蟹腳，也有鮑魚、鵝肝、池魚皇......非常滿足。先食刺身，極品大拖羅高質肥美，入口即溶，滿口魚脂香。中拖都好正，魚味重d，肉質柔軟。油甘魚厚切有彈性，也富有魚油鮮香。松葉蟹腳夠肥夠大隻，蟹肉多汁帶鮮味，唔會過咸，比buffet食到的更正。再來另一盤刺身，大赤蝦超大，入口鮮嫩甘甜，爽中有彈性。甜蝦軟綿鮮甜。三文魚同油甘魚都肥美油潤。象拔蚌同北寄貝都好爽口帶鮮。北海道帶子size巨大又原身，嫩甜鮮美口感很好。紅燒汁煮鮑魚必食，好入味，鮑魚勁嫩彈，每人食左幾隻。鮑汁燴花膠，大過隻手掌，厚肉超彈好多膠質，掛滿鮑汁味道好正。黑椒芝士牛柳，好多芝士好香又拉絲，配牛柳食既香帶辣好滋味。芝士焗蟹蓋香噴噴，有一絲絲蟹肉、薯粒、洋蔥，食完唔膩。平時放題都少食壽司，但今次見多款口味又高質，飯唔會大舊，可以食多幾款。白松露大拖羅壽司，大拖羅真係油花豐富，入口化開好正。黑松露中拖羅壽司，中拖同刺身一樣，配壽司飯好味。海膽劍魚腩壽司，魚腩位魚油豐富，加上海膽提鮮。