貳叄肆

早幾個禮拜幫襯過一次，今日諗住同朋友去食，小店唔夠人手，要等得耐完全可以理解，去之前已經預咗就算落咗單之後都要等，有哂心理準備，因為師傅就得一個，但係完全無諗過可以誇張到等咗足足超過一個鐘頭，最正就係坐正正我隔離，遲過我嚟嘅客人食完我個餐都仲係影都無，朋友個餐食完都仲未開始整我果份，唔係講笑足足一個鐘頭，法國餐都唔洗等咁耐，結果掃興兼失望埋單走人，侍應有講唔好意思，但係我諗應該都幾難再有下一次，請我都未必會嚟。