影片
更多
2021-07-23
64 瀏覽
又到左番工放lunch搜羅美食嘅時間啦🤩今日去Cubus食lunch, 留意到一間環境優雅，裝潢瑰麗堂皇嘅一間中菜館✨✨初頭覺得中菜館嘅lunch不外乎係點心，但發現呢間中菜館原來有lunch set menu😳包晒老火湯、頭盤、主菜同甜品, 未試過食中菜館嘅lunch set, 所以好想係呢個咁有氣派嘅中菜館食個靚lunch, 輕鬆咁享受午餐嘅時光☺️甫坐低就為我地準備茶水🍵叫左香片，茉莉花茶香撲鼻而來，微澀中帶點清香同回甘，好茶👍🏻老火湯 - 粉葛赤小豆煲鯪魚🐟老火湯熱辣辣，味道無得彈😌一飲就知道落足真材實料煲嘅，粉葛熬到出沙，湯入邊品嚐到綿綿粉葛沙，鯪魚味好鮮甜，豆香好濃，朋友飲完都讚呢個湯，好有住家湯嘅味道，好溫暖🥰頭盤 川味手撕雞🐓頭盤黎個有四川特色嘅小菜，辣得黎帶點麻香😋不偏不倚係正宗嘅川菜果種麻，麻得黎適可宜止，雞肉絲絲嫩滑，直頭想攞埋d汁去拌飯🤣🍚胡麻茄子🍆胡麻醬好開胃，茄子好吸汁，所以好入味，一口一啖茄子，滿足😆青瓜海蜇頭🥒前兩道頭盤嘅醬汁較濃味，食番舊青瓜好清新，青瓜係醃過嘅，酸酸地，海蜇頭好爽脆新鮮😊主菜荷香鮮沙薑陳皮生煎雞焗飯🍃呢一道主菜係必食！無諗過係用蒸籠焗，
甫坐低就為我地準備茶水🍵叫左香片，茉莉花茶香撲鼻而來，微澀中帶點清香同回甘，好茶👍🏻
老火湯 - 粉葛赤小豆煲鯪魚🐟
老火湯熱辣辣，味道無得彈😌一飲就知道落足真材實料煲嘅，粉葛熬到出沙，湯入邊品嚐到綿綿粉葛沙，鯪魚味好鮮甜，豆香好濃，朋友飲完都讚呢個湯，好有住家湯嘅味道，好溫暖🥰
頭盤
川味手撕雞🐓
頭盤黎個有四川特色嘅小菜，辣得黎帶點麻香😋不偏不倚係正宗嘅川菜果種麻，麻得黎適可宜止，雞肉絲絲嫩滑，直頭想攞埋d汁去拌飯🤣🍚
胡麻茄子🍆
胡麻醬好開胃，茄子好吸汁，所以好入味，一口一啖茄子，滿足😆
青瓜海蜇頭🥒
前兩道頭盤嘅醬汁較濃味，食番舊青瓜好清新，青瓜係醃過嘅，酸酸地，海蜇頭好爽脆新鮮😊
主菜
荷香鮮沙薑陳皮生煎雞焗飯🍃
呢一道主菜係必食！無諗過係用蒸籠焗，賣相精緻有心思，一打開個蓋真係好香😎胃口大增，焗飯仲要用荷葉包住黎焗，荷葉雅緻青綠之餘仲有食療效用，消暑利濕，焗出黎嘅飯仲帶點清香，顆粒分明，完全唔會過濕。煎雞食到有陳皮嘅回甘，雞肉嫩滑入味，呢個中式焗飯如果係普通酒樓有得食就好啦，我會為左呢個焗飯而成為常客❤️🧡💛
鮮淮山炒和牛🐂
睇呢道菜嘅名覺得係fushion菜😂中式mix 日式，初頭覺得話就話係和牛，估計應該都係普通牛肉，但食落口真係和牛，似係去日本食燒肉時嘅和牛👏🏻質感嫩滑，肉香味好濃，配埋淮山一齊炒，比較健康。
鳳梨咕嚕肉炸雲吞
前兩度主菜都係帶咸，中途上左呢度酸酸甜甜嘅，味蕾有新嘅享受😚咕嚕肉外邊果層粉完全唔厚，皮薄肉嫩，鳳梨同士多啤梨好清甜可口🍍🍓炸雲吞唔會好油，脆脆地當小食咁好香口😉
XO醬法邊豆炒帶子
呢道菜送飯一流，食唔停口🍚XO醬好惹味，帶子新鮮，仲要煎得好好，外邊微焦，裡邊嫩滑多汁，法邊豆青綠新鮮，同XO醬好夾👍🏻
甜品 - 桂花雪梨燉蘆薈🍐
呢個甜品用個小燉盅裝住，熱氣奔騰，燉嘅火侯好夠，食落口好滋潤，喉嚨倍感舒服☺️甜度適中，桂花中和番個甜度，帶點淡淡嘅清香。好鍾意雪梨嘅口感，軟中有點粒感，好得意嘅口感，雪梨好入味，有種食緊冰糖燉燕窩嘅感覺，果然係御膳🤤
顏府御膳嘅菜式味道同賣相都在水準之上，唔係講笑，真係好好食😋😋我最後不得不提係地方坐得舒服之餘，用餐環境古色古香、典雅別致。疫情期間去其他餐廳食野都係用塊膠板隔開隔離枱，但呢度竟然係用中國風嘅屏風，淨係呢點都做到咁細微，已經加晒分💯
張貼
