肉餅哥小炒料理 (已結業)

肉餅 ? 喺屋企食得多，阿媽通常為左仔女嘅健康都會蒸肉餅，簡簡單單嘅梅菜蒸肉餅已經夠扒一大碗飯，味道當然無得輸，仲飽飽！坊間甚少以肉餅做主打嘅食肆，呢間肉餅哥提供幾十款傳統新穎嘅肉餅配搭，煎蒸任揀，連想食白飯、油飯、菜飯、白粥同粒粉，都有得揀！媽，好難揀呀！喺屋企蒸肉餅食得多，所以今日要食煎嘅！人氣龍蝦肉餅飯值得一試，原隻波士頓龍蝦上，睇落好有架勢。全副肉身同豬肉混為一體，好煎到金黃色咁，好似好好食咁款。食落有咸香味，本以為啲龍蝦肉已經被拆開晒只係食到蝦膠質感加少少蝦絲，但原來龍蝦肉會平均分布喺肉餅入面，見得到都食得到，蝦肉係紮實地存在。最欣賞佢加上蟹籽上去，會有少少感覺到脆脆地，為肉餅加多咗份層次。今次點配油飯，飯雖多而肉餅比較少，但肉餅真係好送飯，以一啖肉三啖飯嘅比例完成。講返油飯味道本身，粒粒上色得均勻，金黃色的，飯粒都軟硬適中，睇落好爽身，食落有好少好少薑味。叫做油飯，又唔覺油喎