大家樂 (已結業)

話說個日同老公響土瓜灣運動場打完羽毛球，諗都唔諗就去咗對面間大家樂來個快靚正先。本來無乜特別，諗住是但醫下個肚咋，點知有驚喜。我叫咗個越式香茅豬扒椰漿飯，老公就叫咗個泰式燒鷄椰漿飯。但重點響個椰漿飯度，真糸好椰香，而且有加到薑，個越式醬撈飯好惹味，南乳炸豬扒好脆口，不過燒雞就咸咗啲，但都好食過附近個間越南餐廳。諗住食個快餐無乜特別，竟然食到個特式椰漿飯！