地中海休閒餐廳 (已結業)

今晚去到九龍塘浸會大學隔離聯福道（地中海休閒餐廳）這間餐廳是個仔的同學推介，通常學校裏面的餐廳都是一般質素，試咗之後會覺得有所改觀，地方十分寬敞，最重要係感覺到休閒地享受這晚餐，十分舒服。 薯仔忌廉湯，食落口中有粒粒薯蓉的口感。溫泉蛋配松露忌廉汁炒雜菌，將溫泉蛋加雜菌及麵包粒的煮法，清新又健康。美國安格斯頂級牛腹肉，身為牛魔王的我，食過不少牛的不同部位，牛腹肉的質感軟淋又juicy（冇根）高質。紅蝦西班牙辣肉腸香蒜辣椒意粉， 好大隻紅蝦 ，一口都食唔哂，非常彈牙，意粉加上辣肉腸、蒜片、辣椒等炒，非常滋味。