影片
更多
2007-08-16
2 瀏覽
上年尾同過同事去灣仔分店食火鍋...好正...環境食物都好好, 於是尋晚就同男友去旺角分店食啦,預左無灣仔果邊咁掂,但都無諗過差距實在太太太太遠!!先講個場啦，我同男友尋晚六點十去到，個場無乜人既，好多”吉”桌．．．但waiter安排我地坐一張二人桌（電子爐），係同另一張二人桌（gas爐）”痴”埋既~ 當堂打個突，不過見近電視就算．．．諗住咁"騎呢"既桌子都無乜第二啤人坐架啦!! 如我地所料，前後三啤人見到張桌都走人，到八點左右，我地都食到尾聲，全場爆滿．．．終於有啤中年男女肯”就範”! 其實成個場都好迫， 桌同桌之間得半個身位闊，食到中途就開始同後面椅背貼椅背坐，埋單時我既四周已比放食物果張小桌子封晒路， 最後要隔離桌合作起身讓位先走到!! 搭時，好多人都話呢個場無乜通道，一有事實死唔少人，好危險，一定無下次!! 而家講下食物啦，整體不過不失，同屋村酒樓差無幾囉，每桌送一榨竹蔗水（另有酸梅湯選擇）同鮮蝦二隻，珊瑚蚌帶子各一隻（呢四樣灣仔係無既）！可能我地早去，竹蔗水都夠味，ok la...但八點左右見到隔離桌既竹蔗水淡色左唔少啦!!鮮蝦珊瑚蚌帶子都算新鮮，蝦送黎時仲識郁，味道唔錯!!
先講個場啦，我同男友尋晚六點十去到，個場無乜人既，好多”吉”桌．．．但waiter安排我地坐一張二人桌（電子爐），係同另一張二人桌（gas爐）”痴”埋既~ 當堂打個突，不過見近電視就算．．．諗住咁"騎呢"既桌子都無乜第二啤人坐架啦!! 如我地所料，前後三啤人見到張桌都走人，到八點左右，我地都食到尾聲，全場爆滿．．．終於有啤中年男女肯”就範”! 其實成個場都好迫， 桌同桌之間得半個身位闊，食到中途就開始同後面椅背貼椅背坐，埋單時我既四周已比放食物果張小桌子封晒路， 最後要隔離桌合作起身讓位先走到!! 搭時，好多人都話呢個場無乜通道，一有事實死唔少人，好危險，一定無下次!!
而家講下食物啦，整體不過不失，同屋村酒樓差無幾囉，每桌送一榨竹蔗水（另有酸梅湯選擇）同鮮蝦二隻，珊瑚蚌帶子各一隻（呢四樣灣仔係無既）！可能我地早去，竹蔗水都夠味，ok la...但八點左右見到隔離桌既竹蔗水淡色左唔少啦!!鮮蝦珊瑚蚌帶子都算新鮮，蝦送黎時仲識郁，味道唔錯!! 我覺得最正係d餃子（足料，新鮮）芝士腸（好香口），黑毛豬肉（口感好特別），鮮製鯪魚球同牛肉丸（都幾爽口），脆鯇（好脆口)！ 但都有唔少食物失望．．．鵝腸(好大陣梳打水味），鮮豬肉丸(有陣怪味)，花枝片(無味),仲有肥牛（已經掠掠水就食，但都係咩肉味都無）
講起肥牛，有段平民食肆既經歷～ 話說我同男友各挾一片落鍋時， 發現碟肥牛多左隻小昆虫noun noun下．．．嚇到我地即刻叫人收左佢．．．男友見到個職員撥兩撥，向廚房方向行左去，唔知最後點處理～ 安全起見，我地等左半個鐘先再order過一碟!
張貼