越式工房 (已結業)

1月2日公假，在新浦崗多數餐廳放假休息，上次聖誕假來過食晏，今日再來，上次見隔離檯個男仔，人仔細細，最多升高中，叫左個豬脾，上菜時，個脾超大，全場嘩然，絕對吸睛，今日一於叫番個。豬脾今日依然大隻，放個湯匙在旁影相作個比較，豬脾佔了三份一隻碟的位置，就算條骨點粗點大條都係有不少肉。豬脾顏色深啡紅，超吸引，豬皮夠林，豬肉較硬，可能鹵制太久，有點難切難咬，店員又沒有牛扒刀，只是一般餐刀，舞弄了良久，加上沒有什麼脂肪，所以嚡口。黑醋汁酸酸地，當中又有小小鹹帶微甜，味道有層次感，非常醒胃好送飯。點解係泰式就不得而知。