叫左自選三寶套餐($78)，包拉麵、小食、飲品，再叫左滑蛋自家製吉列豬扒飯($62)，包薯仔沙律、茶碗蒸、味噌湯。
雜錦拉麵(+$5)，食物好快煮好，湯底唔會過濃。麵量非常多，拉麵軟硬適中，唔會過軟。
雜錦配料有一大塊叉燒、一大件豬軟骨 、蟹棒、大量甜粟米、海帶、流心蛋，超級豐富。叉燒入味，而豬軟骨見到d軟骨煮到變透明，膠狀咁。一個正常女仔既食量一定食唔哂。
自選小食揀左自家製手包餃子，一共有4隻。外皮煎完略脆，而內餡有豬肉、椰菜等。自選小食既選擇亦有好多，有肉有冷盤有刺身等。
吉列豬扒飯set擺盤有心思，而且同樣豐富。重點係價錢唔貴，食物有水準。薯仔沙律好出色，薯仔有微粒狀，有口感，而且加入左紅蘿蔔，唔會得薯仔咁單調，亦都好似食既cream咁，薯仔味濃郁。
滑蛋加入菇、洋蔥一齊煮，而且夠甜夠滑，好岩配飯食。吉列豬扒炸粉唔厚，豬扒屬厚身，唔韌，而且大大塊。
茶豌蒸加入菇、鳴門卷、蟹棒等，蒸完之後，海鮮味慢慢滲出，而且甜甜地，蒸蛋冇過火，d蛋仲keep到係滑既，好岩飯後甜品食。
整體，豐富既lunch set，價錢親民，食物質素有保證，而且坐得舒服。就算dinner食，都唔貴亦多選擇。
