滿堂紅頂級雞煲火鍋 (已結業)

最近，同幾個朋友一齊去咗「滿堂紅」食烤魚同打邊爐，感覺地方環境都唔錯，有兩層，地方非常寬敞，而且仲好乾淨衛生。所以都坐得好舒適！張枱都夠寬鬆，可以放到好多食物，唔會有一種讓人侷促嘅感覺，而且服務都好好。食物方面，我地叫咗必食烤魚，有麻辣同酸菜湯底做選擇，配料亦有豆腐，豆泡， 芫茜、蔥、 酸菜、蘿蔔等。所以配料都算非常豐富，好抵食，份量都足夠四人share架！我哋揀咗酸菜湯底，味道非常濃郁， 完全唔會有魚嘅腥未， 而且魚肉亦非常軟滑，唔算太多骨，都好容易食！另外，食完烤魚之後，可以打邊爐，亦會有好多配料供食客選擇！D配菜亦係非常新鮮架！