成記茶寮

聽人講成記啲豬扒同雞扒大大塊，今日終於有時間去試試。呢個係茶檔，外面擺放咗好多摺枱，環境方面唔洗講啦，衛生程度當然遜色一啲。坐底後望一望幅牆，因為Menu貼咗喺上面，好快就決定叫個豬扒雞翼飯加杯凍檸茶。
由於佢哋已叫即整，個飯大概等8分鐘。阿姐一放底就見到大大塊豬扒，一大一細有兩塊仲要肥瘦均勻，望到都覺得吸引。先試試個豬扒，食落真係好腍，配埋啲甜豉油又好夾。另外雞翼係瑞士汁嘅，做得非常入味而且大大隻啖啖肉咁。
雖然成記環境唔得，但食物質素真係有返咁上下~

1

1

豬扒雞翼飯

$44