好燒味 (已結業)

上次係希慎見過呢間燒味店，點知係金鐘又見到，見過兩次唔係唔試啊嘛？其實係因為唔係特別肚餓，見佢有叉燒包食幾得意，無見過燒味店有叉燒包食，於是就叫一個嚟食下。佢有分兩種叉燒包嘅，一個核蛋叉燒包，一個就叉燒包。我就唔鐘意食蛋，就只係點咗叉燒包。見到有啲驚喜，因為佢原來唔係我地普通係茶樓食嘅叉燒包，係有幾塊大大舊叉燒，仲有蔥條，青瓜。食落口感味道都唔錯。但個包其實分上下兩層會好啲，因為夾埋一齊就食得有啲論盡。會想再試下佢其他燒味。