La Postre (厚福街) (已結業)

La Postre有多間分店，今日行開街發現尖沙咀原來都有一間。餐廳位於尖沙咀厚福街。環境優雅別緻，粉藍色牆身掛滿色彩繽紛嘅裝飾，加上英式古舊鐘裝修很有特色。西班牙海鮮飯 ，用鐵鍋上檯，賣相吸引，加入青口、大蝦、蜆肉和辣肉腸等，十分足料，青口同大蝦爽口彈牙，鮮味十足，飯質感濕潤，入口微辣，非常頗惹。芝士煎蟹餅，好靚，入口有清清蛋香。大量芝士焗至拉絲，咸香豐富。綠茶麻糬窩夫，可配上紅豆、吉士醬、綠茶忌廉、蜜糖和雪糕來品嘗，窩夫外脆內軟，熱辣辣的麻糬咬落去煙煙韌韌。荔枝莫希托大大粒既荔枝，加上有汽梳打水非常清新。士多啤梨朱古力咖啡，甜度適中咖啡味香濃。