塚田農場 (已結業)

去到沙田諗住食日本嘢，見到塚田農場有lunch set, 而且又唔需等位，所以試試。坐位闊落舒適，待應有禮。🍱醃漬吞拿魚刺身丼 $148有前菜係凍豆腐，一如一般豆漿香滑。配南蠻炸🐔或香煎三文魚，我揀炸雞🍗，居然有三大件，炸皮雖炸得唔夠脆但🐔肉夠滑夠juicy, 咸度適中，味道OK！再可以揀配烏冬或蕎麥麵，我揀咗冷烏冬，佢係幼身烏冬麵條，一讚佢勁煙韌又滑，份量不少，好好味👍主菜醃漬吞拿魚丼又一大碗，吞拿魚冇鯹味，味道不錯，亦要讚佢d日本芥末，夠香夠辣，配飯一流。Lunch set連飲品一杯添呀！👍下次去一定會試佢個美人火鍋，見到店員整一盤盤嘅菜好靚好新鮮啊！