影片
更多
2018-02-15
67 瀏覽
近排經常嚟紅磡覓食，繼早前去黃埔新天地吃過泰菜後，這晚兩口子又再次踏足紅磡，而今次嘅目標就係寶其利街呢間開業不足半年嘅「龍門冰室」。據說這間新舖係餐廳嘅第五分店，生意愈做愈大，睇嚟食物應該有番咁上下水準。踏進店，環境好新淨，門面光猛企理，不過地方就唔算闊落，而且座位擺放得有點密麻，幸好來到時，時間尚早，可以輕易搵到個卡位就坐，所以感覺亦蠻不錯。安頓後先拿起厚厚的餐簿細閱，有常餐、撈丁餐、意粉餐、鐵板餐、流心奄列餐、玉子燒餐、麻辣麵/飯餐、精選晚餐、珍珠鐵板飯晚餐，另外亦有湯、沙律、小食、飲品、窩夫、木糠布甸、提拉米蘇及班戟餐等，選擇勁豐富；而且幾十蚊就已經有交易，非常經濟。筆者喜歡吃雞翼，店裡的雞翼有兩款口味，包括蜜糖同椒鹽，由於我倆都特別愛甜，所以就選了客蜜糖雞翼 ($38) 做前菜。雞翼一共有 6 隻，外皮烤得唔算香脆，不過入面雞肉很滑，而且完全沒有半點多餘脂肪，配上蜜糖，能提味之餘，亦減少了雞翼的油膩感。晚餐分別點了鐵板餐星級雜扒 ($95) 同肥牛炒一丁。雜扒餐非常之大堆頭，用料豐富，有西冷牛扒、雞扒、英式腸、煙三文魚和炸帶子等。扒餐可以選配飯，意粉或薯菜，而醬汁就有黑椒汁、
近排經常嚟紅磡覓食，繼早前去黃埔新天地吃過泰菜後，這晚兩口子又再次踏足紅磡，而今次嘅目標就係寶其利街呢間開業不足半年嘅「龍門冰室」。據說這間新舖係餐廳嘅第五分店，生意愈做愈大，睇嚟食物應該有番咁上下水準。
踏進店，環境好新淨，門面光猛企理，不過地方就唔算闊落，而且座位擺放得有點密麻，幸好來到時，時間尚早，可以輕易搵到個卡位就坐，所以感覺亦蠻不錯。
安頓後先拿起厚厚的餐簿細閱，有常餐、撈丁餐、意粉餐、鐵板餐、流心奄列餐、玉子燒餐、麻辣麵/飯餐、精選晚餐、珍珠鐵板飯晚餐，另外亦有湯、沙律、小食、飲品、窩夫、木糠布甸、提拉米蘇及班戟餐等，選擇勁豐富；而且幾十蚊就已經有交易，非常經濟。
筆者喜歡吃雞翼，店裡的雞翼有兩款口味，包括蜜糖同椒鹽，由於我倆都特別愛甜，所以就選了客蜜糖雞翼 ($38) 做前菜。雞翼一共有 6 隻，外皮烤得唔算香脆，不過入面雞肉很滑，而且完全沒有半點多餘脂肪，配上蜜糖，能提味之餘，亦減少了雞翼的油膩感。
晚餐分別點了鐵板餐星級雜扒 ($95) 同肥牛炒一丁。雜扒餐非常之大堆頭，用料豐富，有西冷牛扒、雞扒、英式腸、煙三文魚和炸帶子等。扒餐可以選配飯，意粉或薯菜，而醬汁就有黑椒汁、蒜蓉汁、龍蝦汁、鮮茄汁、芝士汁和咖喱汁可供選擇。
西冷火候控制得唔錯，肉質軟腍、雞扒厚度適中、豬肉腸皮脆多汁、三文魚帶煙燻香、帶子炸得香脆不油，整體水準都唔錯。
鐵板餐會跟一客雜菜湯，雜菜湯上桌時熱辣辣，入口濃稠適中。
反而另一客肥牛炒一丁 ($46) 就有少少失準，麵條弄得有點過乾，油水不足，有欠香口，幸好肥牛下得夠慷慨，分量極多，吃起來亦唔算嚡口。
食完咁多肉，當然要揀番碟蔬菜來平衡一下。點了芝士焗西蘭花 ($28)，西蘭花非常大碟，分量不少，食落夠曬爽口，唔會肥淋淋，而且面頭舖滿厚厚的芝士，入口「芝」味濃郁。
跟餐飲品點了凍鮮奶咖啡及菠蘿冰 (+$6)，前者奶泡豐富，質感幼滑、而後者菠蘿冰雖然唔係用新鮮菠蘿炮製，不過味道亦頗清甜。
點套餐可以加錢配甜品，有提拉米蘇 (+$12) 同木糠布甸 ($8)，Tiramisu 食落非常黏滑，不過就稍嫌唔夠企身，幸好芝士味非常突出，入口帶絲絲酒香，就算食曬成杯都唔覺膩。至於木糠布甸，質地亦十分軟滑，底面及中間有餅乾碎，口感均勻，具層次感。呢兩款甜品，如果係單點嘅話，價錢分別為 $22 同 $18，所以建議大家跟餐點吃，會比較划算。
整體來說，這裡的食物，款式甚多，加上價錢夠親民，難怪就當晚所見，食客亦絡繹不絕。
張貼
