是晚訂了開業好一陣子的倫哥，口碑不錯，加上同朋友食過深水埗店，質素有保證，免得家人失望嘛。
1
因為一早訂了座，安排了VIP房其中一枱，位置較大，空間感較多，有大電視，仲有超強冷氣，好正。店員亦隨即送上小吃，是晚是麻辣木耳同鮑汁鳳爪，辣辣地幾正，係開胃小吃來呢。
接著就是餐前水果，濕濕嘴幾好吖。
是日刺身，有三文魚， 北極貝，魷魚，帶子同牡丹蝦，新鮮肥美又厚切，質素仲好過放題店。
先雞煲後火鍋，雞煲要了小辣，較合大眾口味嘛。餐紙上教要2分鐘兜一兜，4次就食得，因為雞煲上個陣仲係生㗎，自己炒熟，途中店員亦會幫忙，佢地好犀利，一眼就睇出有無隔太耐先兜，勁勁勁
炒得火候啱啱好，就會出雞油，爆香呀！！雞件嫩滑，又麻又香，個人覺得可以辣多少少更惹味，下次還是要中辣吧。（雞煲也可以encore任食的啊！）
跟住就係打邊爐啦，海鮮勁新鮮
有蜆，蚌，扇貝，蝦，蟹，鯇魚片，鱔片，魷魚，帶子，鮑魚等，極豪華，咁多海鮮，連湯底都鮮甜左，留意是有部份可任添，其餘要付費的。
手切牛脊肉，有咬口又重牛味，灼一灼就食得，正
雙色墨魚滑勁彈牙，白色的入面有蝦肉同墨魚肉，黑色有墨魚肉同墨魚鬚，一條條好搞笑。仲有一大盤炸魚皮同響鈴卷，新鮮脆口。
丸同餃子，麻吉燒同芥末海膽丸好好味呀，搶食！
蔬菜籃有白菜仔，油麥菜等，翠綠爽甜。
水果湯底夠特別，甜甜鹹鹹咁又有水果香味，幾好味喎，飲左一碗先開始打邊爐。
打卡送黑糖冰粉，好似涼粉嘅質地，甜甜的夠冰涼
叫埋單又有另一款甜品送，是北海道3.6牛乳燉燕窩，上枱時仲熱㗎，有誠意
超多野食的半任食火鍋套餐，飽到都無加單了。
