八妹雞煲

營業中

休息中

黎到大埔食雞煲，呢個八妹舖頭望到尾就有個「全院滿座」四個大字，雖然疫情下，但呢四個字都表現到威力，都有八成滿，睇到出大家食雞煲心切一黎就叫左個微辣雞煲先，好快就上枱，微辣黎講，就岩曬d唔食得辣既朋友仔，不失雞煲既惹味，又唔會辣到食唔到。d雞食落都幾嫩，又彈牙，同埋醃過既，所以都好入味，加埋d醬就perfect池喇。所以都忍唔住要再另外點d雞黎打邊爐，點知仲黎左隻雞脾tin，今日真係有口褔喇！！除左雞煲之外，本人就最鐘意佢個炸豆腐，岩岩炸起，上枱仲好熱辣辣，就咁食又得，放落湯底又得。個響鈴都唔差，大大舊，又夠新鮮，盒裝響鈴真係完全無得比呀！肥牛方面，唔會話太多脂肪，厚薄都算適中，食落都有口感既。豬大腸就的確係麻麻，但份量就比得好足，多人既話叫一碟，一人幾舊都okay既。