影片
更多
2022-05-16
50 瀏覽
放假去食好嘢，聽講呢間餐廳嘅餐牌係由前文華東方酒店餐廳主廚設計呢！6-course lunch set嘅菜式好多都係季節限定，全部擺盤超靚，打卡一流，而且味道好好。首先嚟個appetizer，係蝶豆花梅湯鯛魚刺身，賣相精緻，花充滿少女心😍。湯嘅味道有梅嘅清香同一啲木魚鮮味😋，有啲日式感覺。跟住就係雜菜湯，超濃郁足料嘅湯👍🏻，蕃茄香濃，配左脆法包。跟住魚子醬法式多士，賣相又係超靚😍，魚子醬鹹鮮鹹鮮，配上脆多士，好食。跟住嚟到sides dish，係焗鵝肝蛋撻，蛋撻嘅酥皮充滿牛油香，鵝肝配上蛋漿味道好夾，香濃鵝肝配滑溜蛋漿，正😋終於嚟到主菜，係鵝肝牛柳，擺盤好多細節位，成碟藝術品咁樣😍。鵝肝肥美香濃，煎得焦香👍🏻。我哋叫咗五成熟，但火候控制好似差少少，切開嚟差唔多熟晒🙈不過呢道菜都冇咩減分，雖然過熟但又唔會太硬太乾喎。值得一讚係個醬汁真係好濃牛肉味😋，應該係精心烹調嘅肉汁。另外我哋加左個香煎北海道帶子黑松露薏米飯，伴碟畫嘅花超精緻，真係賞心悅目😍兩粒北海道帶子煎得好香，呢個火候控制得好好👍🏻，切開裏面呈半熟狀態，好滑，配上黑松露醬好香。薏米飯口感有啲煙韌，食落去幾得意，每一啖都充滿黑松露忌
首先嚟個appetizer，係蝶豆花梅湯鯛魚刺身，賣相精緻，花充滿少女心😍。湯嘅味道有梅嘅清香同一啲木魚鮮味😋，有啲日式感覺。
跟住就係雜菜湯，超濃郁足料嘅湯👍🏻，蕃茄香濃，配左脆法包。
跟住魚子醬法式多士，賣相又係超靚😍，魚子醬鹹鮮鹹鮮，配上脆多士，好食。
跟住嚟到sides dish，係焗鵝肝蛋撻，蛋撻嘅酥皮充滿牛油香，鵝肝配上蛋漿味道好夾，香濃鵝肝配滑溜蛋漿，正😋
終於嚟到主菜，係鵝肝牛柳，擺盤好多細節位，成碟藝術品咁樣😍。鵝肝肥美香濃，煎得焦香👍🏻。我哋叫咗五成熟，但火候控制好似差少少，切開嚟差唔多熟晒🙈不過呢道菜都冇咩減分，雖然過熟但又唔會太硬太乾喎。值得一讚係個醬汁真係好濃牛肉味😋，應該係精心烹調嘅肉汁。
另外我哋加左個香煎北海道帶子黑松露薏米飯，伴碟畫嘅花超精緻，真係賞心悅目😍兩粒北海道帶子煎得好香，呢個火候控制得好好👍🏻，切開裏面呈半熟狀態，好滑，配上黑松露醬好香。薏米飯口感有啲煙韌，食落去幾得意，每一啖都充滿黑松露忌廉醬汁，creamy得嚟又唔會太膩。
最後跟餐甜品係燕窩士多啤梨奶凍，見到燕窩已經覺得好矜貴😍，賣相粉紅色，真係冇得輸👍🏻。士多啤梨奶凍仲有好多果肉喺裏面，有口感之餘又香滑😋，唔會好甜，食得好滿足。
嘢飲方面我哋要咗pink lady同埋bubble bee，打卡一流👍🏻 Pink lady係女仔都會鍾意嘅玫瑰花荔枝味，bubble bee就係芒果熱帶水果嘅味道，兩杯都好飲😋。
張貼
