稻八日式火鍋炸物放題 (已結業)

身為大埔友嘅我 同時係一個牛肉控 朋友介紹到呢間稻八日式火鍋店又點可以錯過呢入到去環境好闊落 坐得好舒服 而且飲品同埋火鍋配料都好充足店員首先畀咗肉嘅拼盤 包括雞肉 豬肉同埋一碟牛肉 食落不過不失 都幾新鮮之後就到自己叫野食嘅時候 我哋叫咗A4黑毛和牛三角腩油脂好豐富 肉味香濃 肉質鮮嫩可口 完全無可挑剔A4黑毛和牛肩肉 相對於三角腩就冇咁肥 但係牛肉味有過之而無不及澳洲和牛舌 比平時食到嘅牛脷嘅牛肉味更重 又唔太油膩澳洲和牛肩胛肉 比起A4和牛肩肉瘦咗啲 但係牛肉味都差唔多 值得一讚澳洲和牛下腹腩 相對於A4和牛三角腩 油花分佈得冇咁多 牛肉味都冇咁重 但係都好好食