滿屋日本料理 (大埔超級城C區)

營業中

休息中

今次嚟到大埔就試吓呢一間日式放題啦👍🏻呢度嘅放題好特別，佢係分咗A B C D嘅套餐～唔同價錢包嘅嘢都唔同 咁當然最貴嘅套餐就可以食到最多嘢啦！我就唔係好大食 所以就揀咗個A套餐，但都食都唔少嘢！😁叫咗唔同嘅刺身，三文魚丶赤蝦丶劍魚腩丶油甘魚丶希靈魚丶帶子呢啲都有😁帶子雖然唔係好大粒但都算甜，其他刺身都唔錯，尚算新鮮～不過有幾款刺身可能因為太多冰 嘅關係所以有啲太硬 食到有啲冰嘅口感 就唔係太好😵‍💫😵‍💫不過上菜速度好快呢下都值得讚嘅！另外仲食咗一啲壽司軟殼蟹壽司當日仲有少少失水準😵‍💫軟殼蟹係硬嘅 花之戀海膽手卷呢啲都唔錯！炸物叫咗之後要等多少少時間 因為即叫即炸，所以嚟到嘅時候唔會係凍冰冰嘅😆一口芝士同炸雙皮奶都幾好食😋燒羊鞍有少少騷但都可以接受～包咗好多嘢 飲紙包樽裝嘅都有 出邊仲有小食甜品呢啲 所以呢個價錢都相當抵食😁