茶點

營業中

休息中

下午茶時間去到，同朋友都唔算係好餓，叫左個肉燥酥炸豬扒飯，另外再加左個細既肉燥飯。本身個飯量原來都好多，肉燥係食到粒粒既肉碎，汁比較多，所以可以用黎撈飯。炸豬扒都好易咬，仲有隻滷水蛋。最特別係佢有個醬汁，少少辣，沾埋豬扒，味道真係有提昇! 之後都叫左幾款小食，叫左炸雞翼，炸燒賣，蜜糖炸花枝丸。呢到既炸物都幾出色，唔會厚粉，炸燒賣幾好食，如果有醬配埋就更好! 花枝丸都好好食 ! 野飲都係台式飲品為主，叫左杯珍珠奶綠，好飲又唁會過甜，珍珠都好有咬口。呢到其實都幾抵食，一個飯都係40-50蚊，想食台灣野都幾推介黎呢到呀。