影片
更多
2022-07-18
48 瀏覽
連我大埔友都唔知道太和原來有高檔法國餐廳，要去試吓先！門面大大個「LM」字母，用上防窺玻璃，私密度高。天花懸吊一盞水晶吊燈，仿如高級酒店酒廊。靠牆邊嘅座位就較昏暗有情調，木製牆壁具歐陸風，加上餐廳名L'amour係法文「愛」嘅意思，真係又浪漫天有格調。坐低先叫兩杯夏日氣息嘅cocktail。【Mojito】以青檸汁、梳打水、薄荷等調配嘅冧酒。淨睇外觀已經覺得好chill，飲落清涼感覺遍佈全身。【Sexy on the beach】以水蜜桃香甜酒、橙汁、菠蘿汁、紅莓汁調製嘅vodka。鮮果味加上橙紅色，好似熱帶海灘欣賞日落咁。 我哋叫咗個六道菜季節限定套餐，六道菜都唔係固定嘅，令人更有期待感～【前菜 - 鯛魚刺身】四片厚切刺身，入口鮮甜無比。【法式濃湯 - 椰菜花煙肉忌廉湯 】將忌廉拉花成蜘蛛網圖案，中間嘅煙肉粒好似蜘蛛咁，再加上旁邊嘅食用花伴碟，成個畫面好似庭園咁。忌廉湯幾creamy，滲出清香椰菜味。【法式多士 - 魚子醬多士】黑色嘅魚子醬佈滿多士，上面仲有三文魚子同金箔，散發嘅金光加上紅色餐碟，感覺好亮麗高貴。魚子醬同三文魚子爆開各有不同鮮味溢出，加上脆口多士，感受到雙重滋味同口感
門面大大個「LM」字母，用上防窺玻璃，私密度高。天花懸吊一盞水晶吊燈，仿如高級酒店酒廊。靠牆邊嘅座位就較昏暗有情調，木製牆壁具歐陸風，加上餐廳名L'amour係法文「愛」嘅意思，真係又浪漫天有格調。
坐低先叫兩杯夏日氣息嘅cocktail。
【Mojito】
以青檸汁、梳打水、薄荷等調配嘅冧酒。淨睇外觀已經覺得好chill，飲落清涼感覺遍佈全身。
【Sexy on the beach】
以水蜜桃香甜酒、橙汁、菠蘿汁、紅莓汁調製嘅vodka。鮮果味加上橙紅色，好似熱帶海灘欣賞日落咁。
我哋叫咗個六道菜季節限定套餐，六道菜都唔係固定嘅，令人更有期待感～
【前菜 - 鯛魚刺身】
四片厚切刺身，入口鮮甜無比。
【法式濃湯 - 椰菜花煙肉忌廉湯 】
將忌廉拉花成蜘蛛網圖案，中間嘅煙肉粒好似蜘蛛咁，再加上旁邊嘅食用花伴碟，成個畫面好似庭園咁。忌廉湯幾creamy，滲出清香椰菜味。
【法式多士 - 魚子醬多士】
黑色嘅魚子醬佈滿多士，上面仲有三文魚子同金箔，散發嘅金光加上紅色餐碟，感覺好亮麗高貴。魚子醬同三文魚子爆開各有不同鮮味溢出，加上脆口多士，感受到雙重滋味同口感。
【輕食 - 鵝肝葡撻】
葡撻上面有粒粒鵝肝，蛋撻嘅香甜同鵝肝味道幾夾。
【主菜】可以揀牛、豬、雞或魚～
【鵝肝牛柳】
牛柳五成熟，肉色粉嫩，牛味濃郁；上面嘅鵝肝係厚切，入口即化油香十足；不得不提側邊嘅極濃燒汁，將肉味進一步提升～好滿足。
【慢煮豬鞍】
烤到有格紋，好容易就切開，肉汁豐富，肉香突出，蘸果醬食會有另一番風味，配菜有蘋果切片，減低膩感。
【甜品 - Tiramisu】用雞尾酒杯裝住，面頭嘅可可粉上面有朱古力片，士多啤梨同薄荷葉，有啲似盆栽～下面嘅蛋糕非常軟滑creamy，食完幸福感滿滿～
張貼
